Gosaskan að nálgast ?

Þessar gervitungla og mismunahitamyndir frá því kl. 12:20 og 12:40 í dag, 23 apríl 2010, virðast sýna gosösku fara í norður í fyrstu og síðan í vestur. Komin nálægt Höfuðborgarsvæðinu skv. þessu, en ekki alveg.

Ekki þarf þó að hafa miklar áhyggjur, ekki virðist mikið magn berest frá eldstöðinni og síðan hefur "skýið" ferðast ansi langa leið.

Einnig tek ég skýrt fram að þetta eru vangaveltur á þessu stigi, mig vantar frekari "sönnunargögn". Ef einhver hefur þau, endilega látið mig vita !!!

 

Erfitt að sjá nákvæmlega á þessari mynd, en með góðum vilja má greina smá mökk beint í norður frá Eyjafjallajökli, sem síðan beygir til vesturs.

 

Á þessari mynd, tel ég að sjá megi gosöskuna sem rauðleita slikju, norður og síðan vestur frá gosstöðinni. Ekki alveg víst og myndi vilja fá einhverja aðra staðfestingu, en rauða litinn ætti í flestum tilfellum smáar agnir að mynda.

 

Það sést einnig nokkuð vel á þessari mynd í fölskum litum, amk að fer fyrst til norðurs og sveigir svo til vesturs. Hverfur reyndar fljótt í ský .